اقوي 10 العاب WAR Games على الموبايل للاندرويد و الايفون
Modern Gun
واحده من العاب الاكشن و نظام التصويب و هي لعبة من نظام منظور الشخص الاول اللي موجود في call of duty و في pubg و حاليا اللعبه متاحه على الاندرويد فقط و اللعبه تقدر تلعبها انت و اصحابك اون لاين بتجهز نفسك و سلاحك و تبدي تعيش في المعركه.
و طبعا اللعبه تقدر انك تلعب فيها مع ناس من دول تانيه زي امريكا و روسيا و غيرها و تقدر في اللعبه انك تختار انك تلعب معركه مميته و هي انت ضد الكل او تلعب ف فريق و طبعا مع زيادة مستواك هتقدر تعلي مستوى سلاحك .
Ghosts of WarWW2 Gun Shooter
اللعبه دي واحده من الالعاب اللى لازم هتخطفك لانها بتتكلم علي الحرب العالميه التانيه و اللى تقدر من خلالها تلعب مالتى بلاير او باتل رويال زي ما بتلعب ف بابجى ده غير ان اللعبه بيكون فيها مجموعه من الخرايط الممميزه و بيكون فيها دبابات و هتحس فيها بنوع من الاثاره ده غير الشخصيات اللى ممكن تختار منها زي امريكا و روسيا و اليابان و المانيا ؛ تعبتر واحده من الالعاب القويه و خصوصا الجرافيك العالي جدا و اللعبه بتيجى بمساحة 900 ميجا و محملها اكتر من 5 مليون شخص.
The Sun: Key of Heaven
اللعبه هنا بتحكي علي ما بعد نهاية العالم ؛ العالم المليان بالجوع و المرض و ده بسبب الهجوم اللي حصل من الفضاء و في جزء صغير من الناس قدرت تستني علي قيد الحياه ولكن الجزء ده بقي مهدد بالموت ؛ و هنا بقي بيجى دور الشخصيه الرئيسيه و هو رافين و ده اللى انت بتمثله و مهمتك انك تحمي المجتمع بتاعك من الجوع و الهجمات و هنا هيتوفرلك ترسانه كامله من الاسلحه.
اللعبه قصة حلوه و مثيره و فيها نوع من التشويق اللى هيخليك متطبلش لعب .
iOS ►►Coming Soon
Bullet Angel: Xshot Mission M
واحده من العابfps و اللي بتيجى من تطوير xshot واللعبه دى شعبتها كبيره جدا في شرق اسيا و ده لانها بتيجى بمجموعه كبيره من الاسلحه الكلاسيكيه و اللعبه بتيجى بجرافيك عالي جدا و ده بعد ما الشركه عدلت عليها عشان تكون اكتر سلاسه و طبعا اضاف ليها مود وضع المومياء اللى بيخليك بتكون في معارك في المعابد القديمه و بيتحول الانسان للموميا بمجرد اصابته
اللعبه انيقه جدا و تستحق التجربه
iOS ►►Coming Soon
Combat Master Mobile FPS
واحده من العابone person shooter و اللي بتيجى بمساحه 650 ميجا و تقدر تلعبها اون لاين او اوف لاين اللعبه هنا مختلفه ف اسلوب اللعبه لانها بتعتمد علي الحركه و السرعه و ده اللى هيحرك جواك نوع من الحماس و اللي ف ناس كتير قالت انها شبه call of duty و الصراحه هى اللعبه حلوه و ممتعه جدا ده غير ان الجرافيك هنا اكتر من ممتاز انصحك بتجربتها لو متعرفهاش
Kiss of War
واحده من العاب الحرب المميزه جدا و بتيجى بجرافيك محترم و اللعبه دى اون لاين بس و هي لعبه من منظور الشخص التالت و كل شخصيات اللعبه بنات انت بتختار الشخصيه و الجيش بتاعك و اللعبه فيها مراحل كتير و اللي بيميزها انك بتلعب مع ناس حقيقه ؛ لعبه مختلفه و مميزه تستحق التجربه .
PHOBOS 2089
لعبه من العاب المنظور الاول و اللي تقدر تلعبها اوف لاين ده بالاضافه انك هنا صاحب القرار في سير قصة اللعبه اللعبه هنا فكرتها انك هتطهر الارض من الزومبى و اللعبه فيها مراحل كتيره و ده برضه لان كل اختيارات العاب الفيديو ده اهم ميزها فيها الجرافيك العالي اللى بيدى متعه للعبه و اللعبه هنا فيها مشاهد ممتعه و ارهنك انها هتعجبك
iOS ►►Coming Soon
Noblemen: 1896
لعبة حرب و استراتيجي و اللى تقدر تلعبها اوف لاين و اللعبه هنا بتحكي عن عام 1896 و بتكون فيها انت قائد الجيش و ماسك زمام الامور اللي بيخليك تحط الاستراتيجيه لتدمير عدوك و ازاى تقدر تتلغب عليه و اللعبه طبعا فيها مجموعه كبيره من الخرايط ده غير الاسلحه الكتير
Brothers in Arms™ 3
لعبه من العاب الاوف لاين اللذيذه جدا اللي استمتعت بلعبها واللعبه من منظور الشخص التالت و اللي فيها بتكون الرائد برايد و اللي معاه الجيش بتاعه و هتدخل في مجموعه من المعارك و مع كل مرحله هتبدتى تتفتحلك اسلحه جديده اللعبه دى مش جديده و موجوده بقالها فتره طويله لكن انا استمتعت بيها و حبيت اشاركها معاكم
Modern Combat 5
لعبه غنيه عن التعريف و الاكيد انها من اكتر الالعاب متعه و اللي بتتعلب اون لاين و دي بالنسبه ليا انا بفضلها جدا من حيث القصه و الجرافيك و اللي فيها هتقاتل كواحد من التيم و تقدر مع تطور المراحل انك تتطور سلاحك اللعبه فيها مراحل كتير و نظام اللعب فيها مختلف زي نظام القناصه و الكشافه و غيرها و اهم ميزه هنا هى ان اللعبه بتدعم اللغه العربيه انا بنصحك لو متعرفهاش لازم تجربها